குழந்தை தூங்குவதற்கு உதவ பேசிஃபையர்களைப் பயன்படுத்துவது சரியா?

• பொதுவாக குழந்தைகள் தங்கள் கட்டைவிரலை அல்லது மற்ற விரல்களை சூப்புவார்கள். இந்தப் பழக்கத்தை தவிர்க்கவே பேசிஃபையர் (ரப்பர் நிப்பிள்) பயன்படுத்தப்படுகிறது. இது குழந்தைகளுக்கு மென்மையான உணர்வைக் கொடுத்து அவர்களை அமைதிப்படுகிறது.

• குழந்தைகளுக்கு தீவிரமான விரல் சூப்புதல் பழக்கம் இருந்தால், பெரும்பாலான பெற்றோர்கள் டிஸ்போஸ் செய்யக்கூடிய டயப்பர்களைப் போலவே பேசிஃபையர்களையும் எப்போதும் வைத்திருக்க வேண்டும் என்று நம்புகிறார்கள்.

• பேசிஃபையர்களைப் பொறுத்தவரை, நாம் செய்யக்கூடியவை மற்றும் செய்யக்கூடாதவை மற்றும் அதன் நன்மை தீமைகளைப் பற்றி இந்தக் கட்டுரையில் விளக்கமாகப் பார்ப்போம்.

  Article continues below advertisment

நன்மைகள்:

• குழந்தைகள் எதையாவது உறிஞ்சும் (விரல் சூப்புதல்) போது மிகவும் மகிழ்ச்சியாக இருப்பதால், அழும் குழந்தையை அமைதிப்படுத்த ஒரு பேசிஃபையர் அதாவது ரப்பர் நிப்பிள் உதவும்.

• பேசிஃபையர் அதாவது ரப்பர் நிப்பிள் என்பது ஒரு எளிமையான கருவியாகவும், தடுப்பூசி அல்லது வேறு ஏதேனும் மருத்துவ நடைமுறைகளின் போது கவனச்சிதறல் ஏற்படுத்த உதவும் கருவியாகவும் இது செயல்படுகிறது.

• உறிஞ்சும் (விரல் சூப்புதல்) போது ஏற்படும் இனிமையான விளைவு காரணமாக உங்கள் குழந்தை தூங்குவதற்கும் இது உதவும்.

• உங்கள் குழந்தையின் விரல்கள் அல்லது கட்டை விரலை உறிஞ்சும் (விரல் சூப்புதல்) பழக்கத்தை நிறுத்த பேசிஃபையர்களைப் பயன்படுத்தலாம்.

தீமைகள்:

• ஒரு குழந்தை பேசிஃபையரைச் சார்ந்து இருந்தால், குழந்தையை தூங்க வைப்பதில் நீங்கள் சிரமத்தை எதிர்கொள்ள நேரிடும். மேலும், அவ்வாறு இருக்கும் பேசிஃபையர் வாயில் இருந்து விழுந்தால் கூட எழுந்து விடுவார்கள். அதனால் தூக்கம் கெடும்.

  Article continues below advertisment

• ஒரு பேசிஃபையரைப் பயன்படுத்துவது காது தொற்றை அதிகரிக்கும் அபாயத்துடன் தொடர்புடையது.

• அதன் நீடித்த பயன்பாடு, பற்கள் சீரற்ற அமைப்புடன் தோன்றுவது போன்ற பல் பிரச்சனைகளுக்கும் வழிவகுக்கும்.

இதையும் படிக்கலாமே! - வெவ்வேறு வயதுகளில் உங்கள் குழந்தைக்கு எவ்வளவு தூக்கம் தேவை?

செய்யக்கூடியவை மற்றும் செய்யக்கூடாதவை

• நீங்கள் தாய்ப்பால் கொடுப்பவராக இருந்தால், உங்கள் குழந்தைக்கு பேசிஃபையர் அதாவது ரப்பர் நிப்பிள் கொடுப்பதற்கு முன் குழந்தைக்கு மூன்று முதல் நான்கு வாரங்களாகும் வரை காத்திருக்க வேண்டும்.

• நிலையை மாற்றுவது அல்லது வேடிக்கையான செயல்பாடு போன்றவை அமைதியான விளைவை உருவாக்க உதவும் என்று நீங்கள் நினைத்தால், அதைப் பயன்படுத்த வேண்டாம்.

  Article continues below advertisment

• கழுவுவதற்கு பாதுகாப்பாக இருக்கும் ஒரு பேசிஃபையரைத் தேர்ந்தெடுத்து அதை முற்றிலும் சுத்தமாக வைத்திருங்கள்.

• அடிக்கடி அதை மாற்றவும், தளர்வடைந்த பாகங்கள் மற்றும் உடைந்த அறிகுறிகள் ஏதேனும் உள்ளதா என்பதை கவனியுங்கள்.

• உங்கள் குழந்தை வளரும்போது, ஒரு பேசிஃபையரைப் பயன்படுத்துவதால் ஏற்படும் அபாயங்களானது அதனால் ஏற்பாடக் கூடிய நன்மைகளை விட அதிகமாக இருக்கும். பெரும்பாலான குழந்தைகள் தாங்களாகவே பேசிஃபையரைப் பயன்படுத்துவதை நிறுத்திவிடுவார்கள், சிலருக்கு அந்தப் பழக்கத்திலிருந்து விடுபட உதவி தேவைப்படலாம். உங்கள் குழந்தை பேசிஃபையரைப் பயன்படுத்தும் பழக்கத்தைக் கைவிடுமாறு ஊக்குவிக்கவும். மேலும், அதைப் பற்றிய ஆலோசனையைப் பெற உங்கள் சுகாதார நிபுணரிடம் பேசுவதையும் நீங்கள் பரிசீலிக்கலாம்.